کابل ټيلیګراف – ۲۴ چنګاښ ۱۴۰۴ لمریز کال
د را پورونو له مخې؛ د امریکا د دغه استیناف محکمې امر د دوشنبې په ورځ خپور شو، چې په کې د افغان کډوالو دوسیې د جولای تر ۲۱ پورې وغځول شوې.
دا امر د کاسا (CASA) په نوم د مهاجرینو د ملاتړ سازمان غوښتنې وروسته جاري شو.
رویټرز راپور ورکړی چې د مریلنډ ایالت د مرکزي امریکا د همبستګۍ اتحادیې دغه شکایت کړی وو.
د متحده ایالاتو د کورني امنیت وزارت په دې کال کې اعلان کړی وو چې په افغانستان کې د حالاتو د ښه کېدو له امله د افغانانو موقتي خوندیتوب حالت لغوه کوي.
خو دا اتحادیه د دې پرېکړې پر ضد محکمې ته تللې وه.
د طالبانو له واکمنۍ وروسته، له ۸۲ زره زیات افغانان متحده ایالاتو ته لېږدول شوي، چې له ۷۰ زره زیات یې د دوه کلن موقتي قانوني حالت (پارول) له لارې داخل شوي.
