کابل ټیلیګراف – ۳۰ زمری ۱۴۰۴ لمریز کال
د طالبانو د کډوالو او بېرته راستنېدونکو چارو وزارت وايي چې د پاکستان له زندانونو څخه ۱۳۱ تنه بندیان شوي افغان کډوال ازاد شول.
دغه وزارت په يوه اعلامیه کې ويلي، په تېره یوه اونۍ کې ۱۳۱ تنه افغان مهاجرین، چې د پاکستان په بند خونو کې و؛ ازاد او هیواد ته راستانه شول.
د کندهار ولایت د سپین بولدک د مهاجرینو د لیږد امریت د معلوماتو پر اساس یاد شوي کسان د پاکستان په بېلابېلو سیمو کې نیول شوي وو او له یوې ورځې څخه تر ۶ورځو پورې په بند خونو کې ساتل شوي وو.
یاد شوي کسان د ثبت او بشري مرستو وروسته خپلو اصلي مېنو ته ولیږدول شول.
