کابل ټیلیګراف ۸وږی ۱۴۰۴ لمریز کال
د طالبانو د کورنیو چارو وزارت نن (شنبه، د وږي ۸مه) په یوه خبرپاڼه کې له هیوادوالو غوښتي، چې د پاکستان لاس موټرو له اخیستو ډډه وکړي.
د دې وزارت په وینا، دا موټر د ترافیکي پېښو د زیاتوالي لامل کېږي.
په خبرپاڼه کې راغلي: «څرنګه چې د پاکستان لاس موټر د ډېرو ترافیکي پېښو لامل دي، ښايي په نږدې راتلونکي کې پر دوی نور محدودیتونه هم ولګول شي. له همدې امله له هیوادوالو غوښتنه کېږي، چې د دې موټرو له اخیستو ډډه وکړي ترڅو د نورو خونړیو پېښو شاهدان نه شو.»
په افغانستان کې د ترافیکي پېښو لاملونه اکثراً د چلوونکو بې احتیاطي، سړکونو خرابوالي، د پاکستان لاس موټرو شتون، د ترافیکي قوانینو نه مراعت کول او د چلوونکو د بې احتیاطۍ له امله رامنځته کیږي.
