کابل ټیلیګراف د وږي ۱۵مه ۱۴۰۴ لمریز کال
رویترز د امریکا د ځمکې پېژندنې ادارې (USGS) د معلوماتو په استناد یوه نقشه جوړه کړې چې د افغانستان په ختیځ کې زلزلې فعالیتونه انځوروي؛ هغه سیمه چې د نړۍ له زلزلېخېزو نقطو څخه شمېرل کېږي.
په دې نقشه کې هره دایره د ۱۹۵۰ کال راهیسې د پنځه ریشتر یا تر دې لویې زلزلې نښه کوي او د دایرو زیاته کثافت او تیاروالی هغه سیمې ښيي چې څو ځله یې سختې زلزلې تجربه کړې دي.
دا انځور په ځانګړې توګه د هندوکش غرنۍ سلسله روښانه کوي؛ چیرې چې د هند او اوراسیا د تکتونیکي تختو ټکر د افغانستان تر ټولو مرګونې زلزلې رامنځته کړې دي.
یو له وروستیو مثالونو څخه د ۶ ریشتره زلزله وه چې د ۲۰۲۵ کال د اګست په ۳۱مه د جلالآباد په شاوخوا کې وشوه او یو ځل بیا یې د دې سیمې زلزلېخېزوالی یاد کړ.
