د روسیې هوایي چلند اداره وایي، د دغه هېواد په ختیځ کې د دغه هېواد یوه هیلیکوپتر الوتکه چې ۲۲ تن په کې سپاره وو غورځېدلې ده.
د روسیې هوایي چلند ادارې ویلي چې دغه الوتکه د روسیې په ختیځ کې د کامچاتکا په سیمه کې لوېدلې ده.
له سختو بادونو سره سره په سیمه کې د ژغورنې عملیات دوام لري.
د ویتیاز ایرو شرکت دې هیلیکوپتره کې ۱۹ سېلانیان او درې عمله ناست وو.
ځینو روسي رسنیو راپور ورکړی چې د روسیې د فوټبال فدراسیون مشر ارسیني زمیاتین او مېرمن یې ښايي پهدې هیليکوپترې کې سپاره وي.
چارواکو ویلي دي، چې د پېښې په اړه څېړنې پیل شوي دي.
