د امریکا متحده ایالتونو د میسیسیپی ایالت په یوې لویې لارې کې د ترافیکي پېښې له امله اووه کسان وژل شوي او لسګونه نور ټپیان شوي دي.
د امریکا غږ راپور له مخې، په یاد سیمه کې یو بس موټر په بلخ اوښتې ده.
د امریکا د لویو لارو پولیسو په یوې اعلامیې کې ویلي چې شپږ مسافر ځای پر ځای مړه شوي او اووم یې بیا په روغتون کې سا ورکړه.
د ملي ترانسپورت خوندیتوب بورډ په یوې اعلامیې کې ویلي چې د مسافر وړونکي دې بس موټر ټایر کار پریښی و او له همدې کبله په بل مخ اوښتیو.
په اعلامیې کې همدارنګه ویل شوي چې پدې ټکر کې یوازې همدا مسافر وړونکی بس موټر چپه شوی.
پولیسو او د روغتیایي چارو مامورینو ویلي چې د پیښې له ځای څخه ۳۷ تنه روغتون ته وړل شویدي.
پولیسو همدرانګه ویلي چې د بس موټر ټکر په هکله یې پلټنې پیل کړي او نور تر لاسه شوي معلومات به وروسته خپاره کړي.
