په چین کې یو مسافروړونکی موټر پر خلکو ورغلی چې ۱۱ کسان وژلي او ۲۲ نور یې ټپيان کړي دي.
د شینهوا خبري اژانس د راپور په حواله، دا پېښه سهشنبه د سپټمبر پر ۳مه د شاندونګ ایالت په دانګپينګ سیمه کې شوې ده.
د راپور له مخې، پېښه هغه مهال وشوه چې د زدهکوونکو لېږدونکی بس له کنټروله ووت او پر لاوریانو ورغی.
په راپور کې راغلي چې د یوه ټپي کس حالت نازک دی او پاتې نور ښه دي.
پولیسو هم ویلي چې د بس چلوونکی یې نیولی او د پېښې د څرنګوالي په اړه څېړنې روانې دي.
