د طالبانو حکومت د پوهنې وزارت امر کړی چې د تعلیمي مرکزونو له ټولو کتابتونونو څخه دې هغه کتابونه راټول شي چې د اهل سنت او جماعت له عقایدو او حنفي فقهې سره په ټکر کې وي.
په داسې حال کې چې د طالبانو حکومت د پوهنې وزارت غواړي چې د تعلیمي مرکزونو له ټولو کتابتونونو څخه د سني او حنفي فقهې سره په ټکر کې کتابونه راټول شي، خو د ښوونیزو مرکزونو یو شمېر مسوولان د یاد وزارت له دغه اقدام سره موافق نه دي.
د زدهکړو د برخې یو شمېر فعالان هم د طالبانو حکومت د پوهنې وزارت دا اقدام یو ناسم عمل او د افغانستان په تاریخ کې بېساری بولي.
دا په داسې حال کې ده چې د طالبانو حکومت د پوهنې وزارت سرپرست، په یوه تازه اقدام کې د افغانستان له ښوونیزو مرکزونو څخه د ټولو هغو کتابونو د راټولولو غوښتنه کړې چې له اهل سنت، جماعت او حنفي فقهې سره په ټکر دي.
دغه وزارت د روانې اوونۍ د دوشنبې په ورځ په خپله ایکسپاڼه لیکلي چې د دې وزارت سرپرست حبیباغا دغه فرمان د وېډیو کنفرانس له لارې د ولایتونو د پوهنې رییسانو ته ورکړی دی.
شاوخوا نهه میاشتې وړاندې د طالبانو حکومت د لوړو زدهکړو وزارت د افغانستان ټولو دولتي او خصوصي پوهنتونونو ته امر وکړ چې خپل کتابتونونه د جمهوري نظام له کتابونو پاک او پر ځای یې سیرتالنبي ځای پرځای کړي.
تر دې وړاندې طالبانو څو ځلې په مطبوعاتي کنفرانسونو او د قومي او مذهبي لږهکیو له استازو سره په ناستو کې ویلي چې د ټولو مذهبي او قومي اقلیتونو حقونو ته درناوی لري او حقونه یې خوندي دي.
