پاکستاني رسنۍوايي، د بلوچستان په مرکزي ښار کوېټه کې د پوليسو په يو موټر باندې د سړک غاړې ماين چاودنه شوې ده. راپورونه وايي، چې چاودنه کې دوه پوليس وژل شوي او يو بل ژوبل دی.
د بلوچستان د پوليسو يوه ویاند رسنيو ته ويلي چې چاودنه د کوېټې په کچلاک سیمه کې هغه مهال شوې چې پولیس له سیمې د تېرېدو په حال کې وو.
پرون هم د بلوچستان په قلات ولسوالۍ کې د پوليسو په يو موټر چاودنه شوې وه چې ۸ پوليس په کې ټپيان شوي وو.
په دې وروستیو کې پاکستان کې پر پوليسو بریدونه ډېر شوي دي.
