د مقاومت په نامه جبهه چې د طالبانو مخالفه وسله واله ډله ده ادعا کوي چې د پروان په سیدخیل ولسولۍ کې یې دوه طالبان وژلي او یو بل یې ټپي کړی دی.
یادې جبهې په خپله ایکس پاڼه خپره شوې خبرپاڼه کې ویلي چې جنګیالیو یې تیره شپه یاد برید د سید خیل ولسوالۍ په چنکي سیمه کې په طالبانو کړی او مرګ ژوبله یې وراړولې ده.
په خبرپاڼه کې د برید د څرنګوالي په اړه جزیات نه دي ورکړل شوي، خو ویل شوي چې د یادې جبهې جنګیالیو ته زیان نه دی رسېدلی.
طالبانو د ددغه برید په اړه تر اوسه رسنیو ته څه ندي ویلي.
