اسرائیلي پوځ وايي، د لبنان په بېلابېلو سیمو د دوی په بریدونو کې د یو قوماندان په ګډون د حزب الله ډلې ۴۵ جنګیالي وژل شوي دي.
د سرچینې په وینا دغه بریدونه البقاع ولایت او دغه راز د صور ښار په شمالي سیمو ترسره شوي دي.
د اسرائیلو پوځ ادعا کړې چې په ۴۵ وژل شويو وسله والو کې په بنت جبیل سیمه کې پر اسرائیلو د حزب الله د راکټي بریدونو مسوول حسین محمد عواضه هم شامل دی.
دغه راز اسرائیلي پوځ وايي چې په تېرو څلرویشت ساعتونو کې یې د حزب الله ۱۵۰ راکټي بریدونه هم خنثی کړي دي.
