( کابل ټيليګراف (کب ۸ – ۱۴۰۳ لمريزکال )
کابل کې د افاق په نوم یوه خبري اژانس پر فعالیت پیل وکړ او په دغه غونډه کې ګډونوالو په هېواد کې رسنیو ازادي مهمه وبلله او له طالبانو یې وغوښتل چې له رسنیو ملاتړ وکړي.
د افاق په نوم د نوي خبري اژانس مشر تمیم سعيدي وویل، د دې اژانس د جوړېدو موخه هېوادوالو ته اطلاعرسونه ده او غواړي له دې لارې خپل هېواد او خپلو خلکو ته خدمت وکړي.
ده وویل چې هڅه به وکړي ترڅو د خپلو خلکو غږ تر نړیوالو ورسوي.
د پخوانۍ ولسي جرګې غړي رمضان بشردوست په نننيو مراسمو کې ویل، رسنۍ د هېوادوالو پر وړاندې ستر مسوولیت لري، باید کره معلومات پر خپل وخت تر خلکو ورسوي او حکومتي چارواکي باید د اورېدو تحمل ولري.
ده وویل چې طالبان باید له رسنیو ملاتړ او د بیان ازادۍ ته هم درناوي وکړي.
د طالبانو د اطلاعاتو او کلتور وزارت ویاند خبیب غفران هم وویل چې رسنۍ د نړۍ ترټولو څرګند ځواک دی او دا چې يو ځانګړی ځای ترلاسه کړي نو اړینه ده چې په دې برخه کې د پام وړ کړنې ترسره شي.کابل کې د افاق په نوم خبري اژانس فعالیت پیل کړ
