د طالبانو له خوا د عمومي عفوې له اعلان سره سره، دغې ډلې د افغانستان په بېلابېلو برخو کې د پخواني پوځي پرسونل او عامو وګړو په نښه کولو ته دوام ورکړی دی.
د راپورونو له مخې په تېرو دوو مياشتو کې په بېلابېلو پېښو کې ٧٤ کسان وژل شوي، چې ښځې، ماشومان، قومي مشران، سيمه ييز نفوذي کسان او پخواني پوځيان په کې شامل دي.
د دغو وژنو ډېره برخه ناپېژانده وسله والو ته منسوبه شوې ده.
طالبانو د دوو پخوانیو سرتیرو، دوو ښځو او دوو نارینه وو په ګډون شپږ کسان په عام محضر کې اعدام کړي دي.
په داسې حال کې چې د پوځي پرسونل په منځ کې د مرګ ژوبلې ریښتینې شمیر له دې شمیرې څخه ډیر دی، دا پیښې په ښکاره توګه د طالبانو له کړنو سره تړاو لري.
په تېرو دوو مياشتو کې په بېلابېلو ولايتونو کې د وژنو او اعدامونو ګڼ شمېر راپورونه خپاره شوي، چې د هشت صبح ورځپاڼې هم تاييد کړي دي.
ډیری پیښې د رسنیو د فشار او د معلوماتو په خپرولو کې د محدودیتونو له امله نه دي راپور شوي، چې د مړینې ریښتینې شمیره ممکن له دې هم لوړه وي.
