د پاکستان او سرلينکا الف لوبډلو ترمنځ په پاکستان کې پيل شوې سيالۍ په ناڅاپي ډول ځنډول شوي او سرلينکا خپله الف لوبډله خپل هېواد ته ور غوښتې.
که څه هم پاکستان کرکټ بورډ ويلي چې د سريز پاتې دوه سيالۍ يې د دواړو بورډونو په مشوره ځنډول شوي، خو لامل يې ندی روښانه کړی.
دا په داسې حال کې ده چې د راروانې جمعې په ورځ (د اکتوبر پر ۲۹مه) د کرکټ د چمپین ټرافي غړي هېوادونه به ناسته کوي او پرېکړه به کوي چې چمپین ټرافي سیالۍ په پاکستان که د هند په غوښتنه په دوو هېوادونو او یا د کوم درېیم هېواد په کوربتوب کې ترسره کوي.
د پاکستان وروستیو ناکراریو ته په کتو وار له مخه د افغانستان په شمول ځینو هېوادونو خپل سفارتونه د لنډ مهال لپاره تړلي.
