کابل ټيليګراف (د مرغومي ۷مه – ۱۴۰۳ لمريز)
چارواکي وایي، د افغانستان ملي پراختیا شرکت په لومړي ځل ریل ګاډی جوړ کړی.
د سرپرست حکومت ویاند ذبیح الله مجاهد پخپل ایکس پاڼه کې د یاد ریل ګاډې ویډیو په خپرولو سره ویلي: د ریل پټلیو د جوړیدو او تکمېل پورې به خپل ریل ګاډي هم ولرو.
هغه زیاته کړې، د ملي پراختیا شرکت د لومړي ځل لپاره ریل ګاډۍ جوړ کړی.
بلخوا د ټولنیزو رسنیو کارونکو نیوکې کړي، چې د هرې پېښې وروسته د طالبانو حکومت د یوه نوي ماډل جوړ شوي وسایط اعلان کوي، ترڅو خلکو رامنځته شوې پېښه هیره کړي.
د زهیر احمدزي په نوم د ټولنیزو رسنیو یو کارونکي لیکلي: هره وخت چې ملي موضوع رامنځته شي، زموږ حکومت د یوه نوي شي د جوړیدو اعلان کوي.
هغه زیاته کړې، مخکې بس د موټر اعلان کړی وو او د ځل چې په پکتیکا پاکستان برید وکړ، د ریل ګاډې خبر یې خپور کړ.
د علي اکبر اصغر په نوم د فیس بوک کارونکي بیا د ریل ګاډې جوړیدو پر ځای له پاکستان څخه په غچ اخیستنه ټینګار کړی.
د یادونې وړده، چې سرپرست حکومت تر دې وړاندې د یوه بس او مازده ډوله موټرو د جوړیدو خبر هم ورکړی وو.
