کابل ټيليګراف (د مرغومي ۷مه – ۱۴۰۳ لمريز)
پخواني افغان ولسمشر حامد کرزي د هندوستان د پخواني لومړي وزير ډاکټر من موهن سينګ پر مړينه خواشيني څرګنده کړې.
ولسمشر حامد کرزي د سنګهـ په مړینه خواشینې ښودلې او پخپل ایکس پاڼه یې لیکلي: هند خپل یو تر ټولو ټولو زړور زوی له لاسه ورکړ.
ښاغلي کرزي زیاته کړې چې ډاکټر من موهن سنګ د افغانانو تلپاتی متحد او دوست و.
من موهن سنګ په ۲۰۱۱ کال کې کابل ته د سفر پر مهال پخوانۍ ملي شورا ته په وینا کې ويلي وو چې د ده د سفر موخه د افغانستان او هند ترمنځ د اړیکو لا پیاوړې کول دي.
من موهن سنګ د ۲۰۰۴ او ۲۰۱۴ کلونو ترمنځ د دوو پرله پسې دورو لپاره د هند لومړی وزیر و.
د هندوستان پخوانی لومړی وزیر ډاکټر من موهن سنګهـ د ۹۲ کالونو په عمر د ورپېښې ناروغۍ له امله ومړ.
را پورونه وایي، هغه تیره شپه په ناڅاپي ډول تر بېهوشه کېدو وروسته د نوي ډیلي په روغتون کې ساه ورکړه.
