کابل ټيليګراف (د مرغومې ۱۵مه– ۱۴۰۳ لمريز)
د کینس په نوم د نړیوالو ریکارډونو له مخې؛ د نړۍ تر ټولو د زیات عمر لرونکې میرمن جاپانۍ تومیکو ایتوکا د ۱۱۶ کاله په عمر مړه شوه.
د جاپان چارواکو د دې خبر په پخلي سره ویلي، یاده میرمن د تیرې یکشنبې په ورځ د څارنې په یوه مرکز کې مړه شوې ده.
تومیکو ایتوکا په ۱۹۰۸ کال کې د می میاشتې په ۲۳مه نیټه زیږیدلې وه، چې تیر کال د ریکارډونو د ثبت کتاب ګینس کې د ډیر عمر لرونکې میرمنې په توګه ثبت شوه.
تر هغه مخکې د نړۍ تر ټولو زوړ انسان ۱۱۷ کلنه ماریا برانیاس وه چې د ۲۰۲۴م کال د اګست پر ۱۹مه یې له دې نړۍ سترګې پټې کړې.
تومیکو ایتوکا
