کابل ټيليګراف (د مرغومې ۱۶مه– ۱۴۰۳ لمريز)
د روسیې دفاع وزارت وایي، د دغه هېواد د الوتکو ضد سیستم تېره شپه یوشپېته اوکراینۍ بې پیلوټه الوتکې نسکورې او ویجاړې کړي دي.
دغې ادارې زیاته کړې، دغه بې پیلوټه الوتکو د روسیې په پنځو سیمو کې الوتنې کولې.
د روسیې د دفاع وزارت نن په یوې خبرپاڼې کې ویلي: اووه دېرش الوتکې په روستوف سیمه کې، شل الوتکې په بریانسک سیمه کې، دوه نورې الوتکې په ورونژ کې او یوه بله الوتکه په بلګورود او اوریول کې نسکوره شوې دي
د روسیې د دفاع وزارت چارواکو ویلي دي چې اوکرایني ځواکونو نیت درلود چې د روسیې سرحدي او مرکزي سیمې په نښه کړي.
مسکو په وار وار خبرداری ورکړی چې له اوکراین سره د لویدیځو هېوادونو مرستې د روسیې پر وړاندې د دوی د جګړې د اعلان په معنا دي او دا مسله به د جګړې د پراخېدو لامل شي.
