کابل ټيليګراف (د مرغومې ۱۹مه– ۱۴۰۳ لمريز)
په بغلان کې طالب چارواکي وایې چې په دغه ولایت کې دوه دیني عالمان د ناپیژاندو کسانو له لوري تر برید لاندې راغلي، چې په کې یو تن د عبدالرزاق په نوم وژل شوی او د مولوي حمدالله په نامه بل سخت ټپي دی.
په بغلان کې د طالبانو د امنیې قومندانۍ څخه په خپره شوې خبرپاڼه کې راغلي، چې دا پېښه تېر ماښام هغه مهال شوې چې دغه دیني عالمان یوې مېلمستیا ته روان وو.
خبرپاڼې زیاته کړې چې د پېښې په اړه یې پلټنې پيل کړي چې ډیر ژر به یې عاملین ونیسي.
تر اوسه کومې ډلې پر دغو ملا امامانو د بريد مسووليت پر غاړه نه دی اخیستی.
