کابل ټيليګراف (د مرغومې ۲۳مه– ۱۴۰۳ لمريز)
په افغانستان کې د ملګرو ملتونو د بشردوستانه مرستو د همغږۍ دفتر(اوچا) وایې، چې په دغه هېواد کې اقلیمي ناورین بشردوستانه اړتیاوې ډېرې کړې دي.
اوچا د یوې خبرپاڼې په خپرولو سره ویلي چې، سېلابونو په ۲۰۲۴ میلادي کال کې د افغانستان په ۳۴ ولایتونو کې څه باندې یو سل او ۷۰ زره وګړي اغېزمن کړي دي.
خبرپاڼې زیاته کړې چې په دې ډله کې ۵۰۰ کسان مړه شوي او ۸۰۰ نور ټپيان دي.
د یادې ادارې په خبره چې افغانستان ته یوازې بشردوستانه مرستې بسنه نه کوي، بلکې دا هېواد له اقلیمي ناروین څخه هم کړېږي.
خبرپاڼې زیاته کړې چې اوسمهال افغانستان د ۱۰ هغو هېوادونو په ډله کې دی چې تر نورو ډېر له اقلیمي بدلون څخه اغېزمن دی.
