کابل ټيليګراف (د مرغومې ۲۵مه– ۱۴۰۳ لمريز)
په فاریاب کې د «د قوشتېپې» په نوم د کورنیو تولیداتو نندارتون پرانېستل شو چې درې ورځې به دوام وکړي.
په فاریاب کې طالب سیمه ییز چارواکي وایې په دې نندارتون کې د دغه ولایت سربېره د یوشمېر نورو ولایتونو کورنیو تولیدي شرکتونو هم ګډون کړی.
د دغه ولایت د صنعت او سوداګرۍ ریاست مسوولانو په وینا دغه نندارتون د یوه خصوصي شرکت له لوري د صنعت او سوداګرۍ ریاست په همکارۍ د کورنیو تولیداتو لپاره جوړ شوی، چې موخه یې کورنیو تولیداتو ته ښه بازار موندنه، د تولیدي شرکتونو ترمنځ همغږي او پېردونکو ته د کورنیو تولیداتو ښودل دي.
