کابل ټيليګراف (سلواغې ۴مه– ۱۴۰۳ لمريز)
د ایټالیا هېواد لومړۍ وزیره جورجیا میلوني به راتلونکې یکشنبه سعودي عربستان ته سفر وکړي.
د عربي رسنیو د خبر له مخې؛ سعودي عربستان ته په لومړني سفر کې به جورجيا میلوني د دغه هېواد له وليعهد شهزاده بن سلمان سره لیده کاته وکړي.
د دغه لیدنې پر مهال به دواړه لورې د ایټالیا او سعودي عربستان ترمنځ د ګډو همکاریو پر دوام او نویو فرصتونو رامنځته کولو خبر ې اترې وکړي.
د عربي ميډيا له مخې د دواړو هېوادونو ترمېنځه نېږدې اړيكې له ۱۹۳۲م كال راهيسې پیل شوي.
ايټاليا له لومړيو هېوادونو څخه و چې له سعودي عربستان سره يې سفارتي اړيكې ټينګې كړې.
ايټاليا په جده کې هم خپله قونسلګري پرانيستې او په ۱۹۳۳ کال کې د دواړو هېوادونو ترمنځ د همکارۍ تړون لاسليک شوی.
