کابل ټيليګراف (سلواغې ۱۱مه– ۱۴۰۳ لمريز)
وروسته له هغې چې په افغانستان کې ګڼ شمېر دولتي کارمندانو له څو میاشتو تنخوا ځنډیدو څخه شکایت وکړ، تازه د طالبانو ویاند ویلي، چې د روانې دلوې میاشتې په جریان کې به د یو میلیون او څلوېښت زره کارمندانو معاش ورکړل شي.
د طالبانو ویاند ذبیح الله مجاهد وایي، د مالیې وزارت ډاډ ورکوي، چې دغه تنخواوې به د سلواغې میاشتې په جریان کې ورکړل شي.
هغه وایي، هیڅوک دې په دې اړه تشویش نه کوي او د هېواد بودیجه داخلي بنسټ لري، د بهرنیو مرستو د کولو یا نه کولو پورې اړه نه لري.
دغه څرګندونې په داسې حال کې دي چې د افغانۍ پر وړاندې د ډالر د بیې په لوړېدو سره، دې موضوع د خلکو پر خوراکي او نورو اړتیاوو هم منفي اغېزې کړي دي.
افغانستان ته د بهرنیو مرستو د بندولو پریکړه، د ډالرو د بیې د لوړېدو یو له اصلي لاملونو څخه بلل کېږي.
