(کابل ټيليګراف (سلواغې ۲۸– ۱۴۰۳ لمريزکال)
سرچینې وایي، نن سهار د ننګرهار د لعلپورې ولسوالۍ په سرحدي سیمو کې د طالبانو او پاکستاني سرحدي ملېشو ترمنځ نښته شوي دي.
سرچینې زیاتوي، پاکستاني ملېشو په طالبانو هغه مهال بریدونه پیل کړل، چې دوی په سیمه کې د زرهي ټانک لپاره د سنګر په جوړولو بوخت وو.
ویل کیږي، د دغه برید وروسته طالبانو هم متقابل ډزې کړي، چې د نښتې له امله په وقفه یي ډول د تورخم لویه لاره هم د مسافرینو پرمخ تړل شوې وه.
تر اوسه سیمه ییزو طالبانو په دې اړه څه ندي ویلي.
