(کابل ټيليګراف (سلواغې ۲۹– ۱۴۰۳ لمريزکال)
ایراني چارواکي وایي، افغانستان ته یې د صادراتو کچه د پخوا په پرتله لوړه شوې او د روان کال په ترڅ کې یې دغه هېواد ته د دوه میلیارده ډالرو په ارزښت د بېلا بېلو توکو صادرات کړي.
د دغه هېواد د خراسان رضوي والي غلام حسین مظفري وایي، اجرائي ادارې باید افغانستان ته د صادراتو او وارداتو برخه کې لازم سهولتونه برابر کړي.
د خراسان رضوي د اقتصادي چارو د همغږۍ مرستيال رضا جمشیدي هم اعلان کړی چې ایراني بار وړونکي موټرونه افغانستان ته تر ننوتلو وروسته لږ تر لږه ۲۰ تر ۲۵ ورځو پورې ځنډول کېږي او د وتلو اجازه نه ورکول کېږي.
تر دې وړاندې طالبانو په کابل کې د ایران د سفیر له قوله ويلي وو، چې ایران ته د افغانستان د کلنیو صادراتو ارزښت شاوخوا ۵۰ ميليونه ډالره دی.
