کابل ټیلیګراف – ۱۴ وری ۱۴۰۴ لمریز کال
د پاکستان رسنیو راپور ورکړی چې د دغه هېواد حکومت د «ضرب الاجل» د غځېدو په ناڅرګند حالت کې له پېښوره د کډوالو د اېستلو بهیر پیل کړی دی.
د پاکستان د ډان ورځپاڼې د راپور له مخې، چې سر له نن څخه د افغانستان د تابعیت کارت (ACC) لرونکو کډوالو اېستل پيل شوي دي.
ډان ورځپاڼې راپور ورکړی چې له پېښوره د افغان کډوالو د جبري اېستلو بهیر په جدي ډول پیل شوی دی.
دغې رسنۍ د ملګرو ملتونو د کډوالو د عالي کمېشنرۍ د یوه چارواکي له قوله لیکلي چې ایالتي حکومت د مارچ د ۳۱مې ضرب الاجل د اپرېل تر ۲مې پورې غځولی و.
د دغه چارواکي په وینا، دې ادارې په لنډي کوتل او نصیر باغ کې یو پنډ غالی جوړ کړی دی.
