خبرونهسينما

د پښتو طنز وتلی هنرمند میراوس ومړ

کابل ټیلیګراف – ۱۴ وری ۱۴۰۴ لمریز کال

د پښتو ژبې د طنز و مزاح نوموتی هنرمند او ممثل میراوس د ژوند پور پرې کړ. نوموړی د اوږدې مودې راهیسې د شکر ناروغۍ له کړاوونو سره لاس او ګرېوان و، چې روغتیايي وضعیت یې وخت ناوخت خرابېده.

میراوس د خپلې ناروغۍ له امله له ګڼو ستونزو سره مخ و، ان تر دې چې یوه پښه او د بلې پښې د ګوتو یوه برخه یې هم ډاکټرانو ترې غوڅه کړې وه.
د پښتو هنر او طنز و مزاح مینه وال د هغه مړینه د پښتو طنز او هنري نړۍ لپاره یو نه جبرانېدونکی زیان بولي.

د هنر مینه‌وال، همکاران او دوستان یې د نوموړي پر مړینه خواشیني دي او وايي چې میراوس به د خپل ځانګړي طنز، جذابې اداکارۍ او له ژونده ډک هنر له امله تل‌پاتی وي.