کابل ټیلیګراف – ۱۶ وری ۱۴۰۴ لمریز کال
د امریکا بهرنیو چارو وزارت د طالبانو هغه اوازي رد کړې چې ګواګي غواړي په کابل کې خپل سفارت پرانیزي.
د امریکا متحده ایالتونو د بهرنیو چارو وزارت یوه ویاند واشنګټن پوسټ ته ویلي، دغه هېواد هیڅ ډله د افغانستان د حکومت په توګه په رسمیت نه پېژني او په خبره یې، اوس لپاره کابل کې د سفارت د پرانیستو پلان نه لري.
تر دې وړاندې د طالبانو ویاند ذبیح الله مجاهد ویلي و چې افغانستان ته د امریکایي بندي جورج ګلزمن د خوشې کولو په موخه له راغلي امریکایي پلاوي سره کابل کې د امریکا او واشنګټن کې د افغانستان د سفارت د پرانیستو په اړه خبرې شوې دي.
د طالبانو له واک ته بیا رسېدو (اګست ۲۰۲۱) وروسته، د امریکا متحده ایالاتو په رسمي ډول د طالبانو حکومت حکومت نه دی پېژندلی. واشنګټن له هغه مهاله راهیسې خپل سفارت تړلی او د قطر له لارې یې له طالبانو سره محدودې اړیکې ساتلې دي.
واشنګټن ټینګار کړی چې د طالبانو مشروعیت باید د هغوی د کړو اقداماتو، په ځانګړي ډول د بشري حقونو، د ښځو د زده کړو او کار، او ټولشموله حکومت جوړولو پورې تړلی وي.
