کابل ټیلیګراف – ۱۶ وری ۱۴۰۴ لمریز کال
د طالبانو بهرنیو چارو سرپرست وزیر مولوي امیرخان متقي سعودي عربستان ته تللی دی.
د طالبانو ذبیحالله مجاهد پر خپله اېکسپاڼه د یادو څرګندونو ترڅنګ لیکلي دا سفر د دواړو هيوادونو د نيکو اړيکو د لا پياوړتيا لپاره مهم ګام دی.
هغه لیکلي چې د سعودي عربستان د چارواکو له لوري د متقي استقبال د یاد هیواد د ښه نيت او ښو اړيکو څرګندویي کوي.
د طالبانو له بیا واک ته رسېدو وروسته، دوی هڅه کړې چې له ګاونډیو او سیمهییزو هیوادونو سره خپلې ديپلوماټیکي اړیکې پراخې او رسمي کړي. سعودي عربستان، چې د اسلامي نړۍ یو مهم هیواد ګڼل کېږي، تر اوسه د طالبانو حکومت په رسمي توګه نهدی پېژندلی، خو له دوی سره یې محدوده تعاملات درلودلي دي.
په تېرو کلونو کې سعودي عربستان په افغانستان کې د سولې هڅو ملاتړ کړی او د اسلامي همکاریو سازمان (OIC) له لارې یې بشري او دیني تعاملات هم دوام درلودلی دی.
