کابل ټیلیګراف – ۱۶ وری ۱۴۰۴ لمریز کال
بغلان ولایت کې په یوه ترافیکي پېښه کې څلور تنه مړه او دوه نور ټپیان شوي دي.
په دغه ولایت کې د طالبانو امنیه قوماندانۍ ویاند شیر احمد برهاني وایي، دغه پېښه د نهرین ولسوالۍ د شیخ جلال کوتل اړوند سیمه کې هغه مهال رامنځته شوه، کله چې یو سراچه موټر له سړک واوښت او چپه شو.
د نوموړي په وینا په دغه پېشه کې د دوو میرمنو په ګډون ۴ تنه مړه او دوه نور ټپيان شوي دي.
ویل کیږي، د پېښې د یوه تن ټپي حالات هم نازک دی.
