کابل ټیلیګراف – ۲۷ وری ۱۴۰۴ لمریز کال
د طالبانو ویاند ذبیحالله مجاهد وایي، نن په کابل کې د همغږۍ د ګډې کمېټې په نوم د افغانستان او پاکستان ترمنځ ګډه غونډه کېږي.
مجاهد پر خپله اېکسپاڼه لیکلي، د پاکستاني پلاوي مشري به د هغه هېواد ځانګړی استازی محمدصاق خان او د افغان لوري مشري د ملي دفاع وزارت مرستیال ملا عبدالقیوم ذاکر کوي.
مجاهد زیاته کړې، دا د « JCC» اوومه غونډه ده چې د دواړو هېوادونو ترمنځ یو ځل په اسلاماباد او یو ځل په کابل کې ترسره کېږي.
نوموړي لیکلي، په دې غونډه کې به د ډیورنډ کرښې په اوږدو کې د احتمالي ستونزو د هواري او د دواړو لورو ولسونو ته د اسانتیاوو د رامنځته کولو په اړه خبرې وشي.
دا په داسې حال کې ده چې د افغانستان لپاره د پاکستان د ځانګړي استازي صادق خان په مشرۍ یو پلاوی نن سهار کابل ته راغلی دی.
