کابل ټیلیګراف – ۳ غبرګولي ۱۴۰۴ لمریز کال
د سعودي عربستان، اردن، مصر او فرانسې د بهرنیو چارو وزیرانو د غزې د جګړې د پای ته رسولو او دې سیمې ته د بشري مرستو د ننوتلو د تضمین په اړه خبرې کړي دي.
د نړیوالو رسنیو د راپورونو له مخې، دا غونډه تېره ورځ په پاریس کې د «غزې تړانګې د وروستیو تحولاتو د ارزونې» په موخه ترسره شوې وه.
د دې څلورو هېوادونو د بهرنیو چارو وزیرانو د شخړو د درولو لپاره د ګډ اقدام او په سیمه کې د عادلانه او دوامداره سولې د رامنځته کولو لپاره د ګډې ژمنې پر اړتیا ټینګار کړی دی.
دوی همدارنګه د جون میاشتې لپاره د ملګرو ملتونو په مقر کې د دوه دولتي حل پر محور د یوې نړیوالې غونډې د ترسره کولو د مقدماتو په اړه بحث کړی دی.
