کابل ټیلیګراف – ۲۷ چنګاښ ۱۴۰۴ لمریز کال
د را پورونو له مخې؛ د هندوستان په بېهار ایالت کې د موسمي اورښتونو پر مهال د تندر غورځېدو پېښو کې ۳۳ کسان مړه او لسګونه نور ټپیان شوي.
د اې اېف پي خبري اژانس د راپور له مخې، په بېهار ایالت کې دا مرګونه د چهارشنبې او پنجشنبې ترمنځ د سختو طوفانونو پر مهال رامنځته شوي دي.
د ایالتي آفتونو مدیریت څانګې په بیان کې ویلي، وژل شوي کسان اکثره هغه کروندګر او مزدوران دي چې د خلاص اسمان لاندې یې کار کاوه.
د هوا پېژندنې محکمې د ایالت په ګڼو سیمو کې د نورو سختو بارانونو او د تندر غورځېدو وړاندوینه کړې ده.
سیمه ییزو چارواکو د تندر غورځېدو پېښو هر قرباني سره د ۴ سوه زره هندي کلدارو مرسته اعلان کړې ده.
د ایالتي حکومت د معلوماتو له مخې، په ۲۰۲۴ کال کې د تندر د غورځېدو له امله لږ تر لږه ۲۴۳ کسان وژل شوي، په داسې حال کې چې تېر کال دا شمېره ۲۷۵ وه.
