کابل ټیلیګراف – ۸ زمری ۱۴۰۴ لمریز کال
په سعودي عربستان کې د واده وروسته سمدستي طلاق اخیستل خورا ډېر شوي، او هر ۹ دقیقې وروسته یوه طلاق ثبتېږي.
نړیوالې رسنۍ ګلف نیوز په یوه راپور کې د دولتي شمېرو له مخې ویلي، سعودي عربستان کې په روان کال کې ۱۲.۶ سلنه ودونه په طلاقو پای ته رسېدلي، او د دغو طلاقو څخه له ۶۵ سلنه څخه زیات د واده په لومړي کال کې شوي دي.
د سعودي عربستان د عدليې وزارت او د احصایې د عمومي ادارې د ۲۰۲۵ کال د معلوماتو پر بنسټ، ټول هېواد کې ۵۷ زره او ۵۹۵ طلاقونه ثبت شوي دي، یعني په اوسط ډول هره ورځ ۱۵۷ طلاقونه چې دا هر ۹ دقیقې وروسته د یوې طلاق معنا لري.
د راپور له مخې، الباحه هغه ښار دی چې تر ټولو زیاته د طلاق کچه لري.
په دغه ښار کې ۳۶٪ ودونه په طلاق پای ته رسېدلي.
په ریاض کې دا کچه ۲۱.۷٪ او په حایل کې ۱۹.۲٪ ثبت شوې ده.
