کابل ټیلیګراف – ۱۳ زمری ۱۴۰۴ لمریز کال
د قزاقستان ولسمشر ټينګار کړی چې د سیمې د امنیت لپاره بايد په افغانستان کې د طالبانو تر حاکمیت لاندې راغلې سوله او ټیکاو باید خوندي پاتې شي او لا پراختيا ورکړل شی.
قاسم جومارت توکایف دا څرګندونې د ملتونو له سرمنشي انتونیو ګوتریش سره د قزاقستان په پلازمېنه الماتي ښار کې د لیدنې پرمهال کړي دي.
هغه وويل: ((په افغانستان کې تل پاتې سوله او دوامداره پراختيا د سیمې د امنيت د ټينګښت تضمین کوي. قزاقستان د افغانستان د خلکو ملاتړ ته ژمن دی.))
توکایف او ګوترېش دا لیدنه په قزاقستان کې د منځنۍ اسیا او افغانستان لپاره د دوامداره پرمختګ د موخو د مرکز د پرانېستې غونډې په څنډه کې کړې دي.
