کابل ټیلیګراف – ۲ وږی ۱۴۰۴ لمریز کال
د روسيې دفاع وزارت وایي، چې روسي ځواکونو د دونتسک په سیمه کې د «سردنه» او «کلبان بیک» کلیو کنټرول ترلاسه کړی دی.
د روسيې په لویدیځ کې د کورسک اټومي برېښناکوټ هم اعلان کړی چې د اوکراین یوې بې پیلوټه الوتکې د غورځېدو او سقوط له امله په دې برېښناکوټ کې اور بل شوی، خو اور وژونکو ځواکونو اور کنټرول کړی دی.
له بلې خوا، د اوکراین د بهرنیو چارو وزارت مرستیال سرګي اولګوویچ کیسلیټسیا ادعا کړې چې د پوتین له لوري د اوکراین د جګړې د پای ته رسولو لپاره د معنی لرونکو خبرو اترو لپاره هیڅ نښه نشته.
هغه ټینګار کړی چې روسیه د امریکا د غولولو په حال کې ده، په داسې حال کې چې زلنسکي چمتو دی د تماس کرښې په اړه د اراضي مسایلو په اړه بحث وکړي.
