کابل ټیلیګراف ۷وږی ۱۴۰۴ لمریز کال
روسیي رسنیو خبر ورکړی، چې د یمن پلازمینه صنعا اړوند حدا سیمه کې د انصارالله اړوند لومړي وزیر احمد غائب په کور کې د اسرائیلو برید کې نوموړی وژل شوی دی.
راپور وايي چې د اسرائیلي پوځ په بریدونو کې د احمد غالب سره ۳ ملګري هم ووژل شول.
انصارالله ډلې احمد غالب تېر کال د اګست په ۱۰مه د دې ډلې دل ومړي وزیر په توګه ټاکلی و، هغه د حوثيانو د ستر سیاسي شورا غړی هم و.
بلخوا، د یمن دفاع وزارت د اسرائیلي بریدونو کې د مشرتابه په نښه کېدو ادعا رد کړې او په غزه کې د نسل وژنې او فلسطینیانو ته د لوږې له امله د وژنې پر ضد د عملیاتو د دوام اعلان یې کړی.
د یادونې وړده، چې اسرائیلي پوځ نن په تازه بریدونو کې حوثيان هدف ګرځولي او د انصارالله اکثریت مشرانو د وژلو ادعاوې یې کړي.
اسرائیلي پوځ ۴ ورځې وړاندې هم پر یمن هوايي بریدونه کړي وو، چې په پایله کې ۱۰ کسان ووژل شول او له ۹۰ زیات ټپیان شول.
