کابل ټیلیګراف ۷وږی ۱۴۰۴ لمریز کال
د ۲۰۲۵م کال کیريبین پریمير لیګ (سي پي ايل) یوې لوبه کې په یو بال د زیاتو منډو ریکارد جوړ شو.
د ویسټ انډیز سنټ لوشیا سیمې په ډیرن سامي نړیواله لوبغالي کې د ګیانا امیزون واریئرز او سینټ لوشیا کنګز ترمنځ لوبه کې دغه ریکارډ جوړ شو.
په دغه لوبه کې د وارینرز اوسینټ لوشیاکنګز لوبډلې توپ اچوونکي اوشین توماس د لوبې ۱۵ اور ترسره کړ، چې په یو توپ یې ۲۲ منډې ورکړې او ترې توپ وهونکي روماریو شیفرډ په ټول اور کې ۳۳ منډې واخیستې.
د دې اوور په لومړیو ۲ بالونو ۴ منډې وشوې. وروسته بالر په یوه قانوني بال ۲۲ منډې ورکړې.
اوشین توماس د ۱۵م اوور درېیمه بال وکړه، خو هغه فرنټ فوټ نو بال شوه. بیا یې راتلونکی بال وایډ وکړ، وروسته بله بال هم فرنټ فوټ نو بال وه، چې پرې روماریو شیفرډ شپږیزه ووهله. راتلونکی بال بیا نو بال شو او شیفرډ پرې یو بل اوږد شپږیزه ووهله.
بالاخره دغه ۲۸ کلن بالر یو سم بال وکړه، خو دا ځل هم روماریو شیفرډ پر سکوایر لیګ شپږیزه ووهله.
په دې توګه یې په یوه قانوني بال ۲۲ منډې واخیستې.
د ۱۵م اوور څلورمه بال ډاټ شوه، وروسته پنځمه بال یوه منډه وشوه، او په وروستي بال باندې اوشین توماس باندې بله شپږیزه هم ولګېده، چې په دې توګه یې په یوه اوور کې ۳۳ منډې ورکړې.
خو بیا هم سینټ لوشیا کنګز د ۲۰۳ منډو هدف په ۱۹م اوور کې د ۶ وکټو په زیان په اسانۍ سره ترلاسه کړ.
