کابل ټیلیګراف ۹وږی ۱۴۰۴ لمریز کال
د پاکستان د پنجاب په بېلا بېلو سیمو کې د سیلابونو له امله د مړو شویو کسانو شمېر ۳۳ تنو ته ورسید، دغه راز د سیلاب له امله ۲ میلیونه کسان اغیزمن شوي دي.
د پنجاب د پېښو پر وړاندې د چمتوالي دفتر مشر عرفان علي کاټهیا ویلي، چې له اغیزمنو سیمو څخه ۷۵۰ زره کسان ایستل شوي او په ټوله کې ۲۲۰۰ کلیو ته زیانونه رسیدلي دي.
هغه زیاته کړې، وروستیو اورښتونو د سیلابونو شدت لا زیات کړی او له امله یې د مړو شمېر ۳۳ تنو ته ورسید.
د پنجاب دغه چارواکي ویلي، چې په ټول توان د انسانانو، د هغوی د وسایلو او حیواناتو د ژغورلو لپاره هڅې جریان لري.
