کابل ټیلیګراف ۹وږی ۱۴۰۴ لمریز کال
په مصر کې د مسافرو لیږدونکی ریل ګاډی چې د متروح صوبې څخه قاهرې ته پر لاره و، چپه شوی، چې له امله یې درې تنه مړه او ۹۴ نور ټپیان شوي دي.
د ریلوې چارواکو ویلي چې د اورګاډي ۷ بوګۍ یا مسافر وړونکې خونې له پټلۍ ووتلې، چې له امله یې دوه چپه شوې.
د دغه چارواکو په وینا، د پېښې له خبرېدو سره سم امبولانسونه او ژغورنکي ډلې سیمې ته رسیدلي او ټپيان یې روغتون ته لیږلي دي.
د را پورونو له مخې؛ په دې پېښه کې ۳ تنه ځای پر ځای مړه شوي او ۹۴ نور ټپیان شوي، چې د ځینو حالات هم نازک دی.
سیمه ییزو مسؤلینو د یاد ریل ګاډې د اوښتو د اساسي لامل د څرنګوالې په اړه څېړنې پیل کړي.
