کابل ټیلیګراف ۹وږی ۱۴۰۴ لمریز کال
د غزې د روغتیا وزارت مشر ډاکټر منیر البرش ویلي چې په غزه کې د لوږې قطحي د اسرائیلي اشغال او روانې جګړې پایله ده.
هغه وویل، د ملګرو ملتونو د قحطۍ اعلان وروسته باید نړیواله ټولنه سمدستي خوراکي توکي برابر کړي.
هغه زیاته کړه چې د روغتیا نظام د ویجاړیدو له امله په روغتونونو کې ۶، ۶ ماشومان په یوه بستر پراته دي.
هغه وویل، د اسرائیلي جګړې له پیل راهیسې په غزه کې ۴۰ زره ماشومان ټپیان شوي دي.
نوموړي زیاته کړه، اسرائیلي پوځ په غزه کې د درملو ۱۵۰ څخه زیات ګودامونه ویجاړ کړي دي.
ډاکټر منیر البرش وویل چې په غزه کې د زړه ناروغۍ لرونکي ۱۰۰۰ ناروغان د اړین درملنې د نشتوالي له امله مړه شوي دي.
هغه وویل، موږ په غزه کې د کرونا شتون ردوو، او خلک غزې ښار پرېښودل نه غواړي، زموږ سره زموږ ثابت قدمه او زړور عیسوي خلک هم دي.
ډاکټر منیر البرش وویل چې زموږ پرېکړه روښانه ده، موږ به روغتونونه او ناروغان نه پرېږدو.
هغه دا هم افشا کړه چې اسرائیل د جبالیه په ګاونډیو کې د ویجاړولو لپاره بوبي ټریپ روبوټونه کاروي.
دغه روغتیایي چارواکي وایي، په جبالیه کې د روبوټي چاودنو له امله موږ کورنۍ، کورنۍ د کنډوالو لاندې موندلي.
