کابل ټیلیګراف ۹وږی ۱۴۰۴ لمریز کال
ننګرهار کې د بېوزله ناروغانو د لاسنیو په پار د سترګو ناروغانو وړيا درملنه پيل شوه.
ننګرهار کې د طالبانو مرستيال والي مولوي عزیزالله مصطفی د ياد پروګرام د پيل په مراسمو کې وویل، چې په دې پروګرام کې د ۴۰۰ بېوزله هېوادوالو د سترګو وړيا عملياتونه او ترڅنګ يې د OPD اړوند پنځه زره نورو ناروغانو تشخيص او درملنه کيږي.
بل لورته ننګرهار کې د طالبانو د عامې روغتيا رئيس وويل، چې په پرانیستل شوي روغتيايي کمپ کې به د عملياتونو سربيره، ګڼ شمېر د سترګو ناروغانو ته عينکې او د زرګونو نورو روغتيايي ستونزو په تشخيص سره درمل ورکړل شي.
د افغاني سرې مياشتې ټولنې د ختيځ زون رئيس مولوي قمرګل نصرت د دا ډول نورو خيريه مرستو او همکاريو د جلب ډاډ ورکړ.
د البصر بنسټ استازي رضوان احمد بلوچ وايي، چې دغه بنسټ د افغاني سرې میاشتې پر مرسته او د پاچا سلمان خیریه مرکز پر مالي ملاتړ په افغانستان کې د سترګو ناروغانو د درملنې په برخه کې کار کوي او غواړي، چې دا مرستې نورې هم پراخې شي.
تر دې وړاندې په کابل او اوس ننګرهار بیا تر ننګرهار وروسته یاد بنسټ په کندهار کې د ۴۰۰ بېوزله ناروغانو وړیا عملیاتو ترسره کوي.
