کابل ټیلیګراف د وږي ۱۵مه ۱۴۰۴ لمریز کال
د ملګرو ملتونو د سرمنشي ځانګړې استازې، روزا اتنبایوا پرون جمعه د طالبانو د حکومت له ځینو چارواکو سره د مخېښې په لیدنه کې په افغانستان کې خپل ماموریت رسماً پایته ورسوه.
اوتنبایوا پرون د طالبانو د راستنېدونکو چارو له وزیر، مولوي عبدالکبیر سره د مخېښې لیدنه کړې ده.
مولوي عبدالکبیر د افغانستان لپاره د ملګرو ملتونو د سرمنشي د ځانګړې استازې د هڅو ستاینه وکړه او اوتونبایوا هم د زلزلې قربانیانو سره د مرستې په ګډون له افغانستان سره د بشري مرستو په اړتیا ټینګار کړی دی.
د راپورونو له مخې، د ملګرو ملتونو امنیت شورا به د سپتمبر په میاشت کې د افغانستان په اړه یوه غونډه وکړي، او تمه کیږي چې روزا اوتونبایوا به په دې غونډه کې د افغانستان په اړه وروستی راپور وړاندې کړي.
اوتونبایوا د ۲۰۲۲ کال په سپتمبر کې د ملګرو ملتونو د سرمنشي د ځانګړې استازې او په افغانستان کې د یوناما د مشرې په توګه وټاکل شوه.
هغه مخکې له ۲۰۱۰ څخه تر ۲۰۱۱ پورې د قرغزستان ولسمشره وه.
د هغه ماموریت په داسې حال کې پای ته رسیږي چې افغانستان لا هم د پراخې بې وزلۍ او د کډوالۍ له بحران سره لاس او ګریوان دی.
