کابل ټیلیګراف د وږي ۲۷مه ۱۴۰۴ لمریز کال
د فلسطین روغتیا وزارت اعلان کړی چې د اسرائیلو د پوځ لخوا پر غزې تړانګې د بریدونو له امله د شهیدانو شمېر ۶۵ زره او ۶۲ کسانو ته رسېدلی دی.
د فلسطین روغتیا وزارت په یوه اعلامیه کې ویلي، چې د ۲۰۲۳ کال د اکتوبر له اوومې نېټې څخه تر اوسه د اسرائیلو د پوځ د بریدونو په پایله کې ۶۵ زره او ۶۲ کسان شهیدان شوي دي.
دغه طبي اداره وایي، د غزې تړانګې پر وړاندې د اسرائیلو د پوځ د بریدونو له پیل راهیسې د ټپیانو ټولیز شمېر ۱۶۵ زره او ۶۹۷ کسانو ته رسېدلی دی.
دغه وزارت زیاته کړې چې په تېرو ۲۴ ساعتونو کې د ۹۸ شهیدانو جسدونه روغتونونو ته انتقال شوي دي.
د را پور له مخې؛ په دې موده کې ۳۸۵ کسان ټپیان شوي هم دي.
د یادونې وړده، چې لا هم په زرګونو کسان په غزې تړانګه کې ورک دي او د ودانیو تر کنډوالو لاندې بند پاتې دي.
