کابل ټیلیګراف د وږي ۳۱مه ۱۴۰۴ لمریز کال
د شمالي کوریا مشر کیم جونګ اون ویلي، چې د امریکا سره د خبرو اترو لپاره په مشروط ډول چمتووالی لري.
هغه د یوې اعلامیې په خپرولو سره ټینکار کړی، چې شمالي کوریا له خپلو اټومي وسلو نه تېرېږي، ځکه دا یې د دفاع یوازینۍ ضمانت دی.
کیم جونګ اون زیاته کړه، که امریکا د اټومي وسلو د پرېښودو غوښتنه پرېږدي، نو له ټرمپ سره خبرې کېدای شي.
هغه دا هم وویل چې د امریکا د ولسمشر ډونالډ ټرمپ سره یې ښې خاطرې تړلې دي.
ټرمپ تر دې وړاندې د جنوبي کوریا ولسمشر سره لیدنه کې هیله ښودلې وه، چې د شمالي کوریا رهبر سره هم لیده کاته وکړي.
