کابل ټیلیګراف د وږي ۳۱مه ۱۴۰۴ لمریز کال
سرچینو کابل ټیلیګراف ته تائید کړه، چې د تورخم لویه لاره د پاکستان لخوا د مسافرینو د تګ راتګ پرمخ وتړل شوه.
سرچینې زیاته کړه، چې دغه لار نن له غرمې وروسته د نامعلوم دلیل له امله د مسافرینو د تګ راتګ پرمخ د پاکستان لخوا تړل شوې ده.
په ننګرهار کې د طالبانو د اطلاعاتو او فرهنګ ریاست د اطلاعاتو امر قریشي بدلون هم تائید کړه، چې یاده لاره تړل شوې ده.
هغه له خلکو غوښتي، چې د دویمې خبرتیا پورې تورخم له لارې له تګ راتګ څخه ډډه وکړئ.
که څه هم تر اوسه د یادې لارې د تړل کېدو لامل ندی روښانه شوی، خو تر دې وړاندې د دواړو لورو ترمنځ د نښتو له امله یاده لاره څو ځله تړل شوې ده.
