کابل ټیلیګراف د تلې ۲مه ۱۴۰۴ لمریز کال
د نړۍ مشرانو په خپلو ویناوو کې د تېرو دوو کلونو راهیسې د د اسرائیلو د جنایاتو د پراخېدو او د سیمې پر هېوادونو د یرغل په اړه سختې نیوکې وکړې او په لویدیځه اسیا کې د اسرائیلو د پراختیا د بندولو غوښتنې وکړې.
د ملګرو ملتونو سرمنشي انتونیو ګوترش وویل چې موږ باید د هرج مرج ډکې نړۍ او یوې باثباته نړۍ ترمنځ یوه انتخاب کړو، او اوس مهال په نړۍ کې د ملګرو ملتونو د موجودیت اصل تر پوښتنې لاندې راغلی دی.
ګوترش د غزې په جګړه کې د سمدستي اوربند غوښتنه وکړه او ویې ویل چې اسرائیل له لوږې څخه د وسلو په توګه کار اخلي.
د قطر امیر شیخ تمیم بن حمد آل ثاني هم په خپله وینا کې وویل چې د اسرائیلو له خوا پر دوحه برید، د سولې رامنځته کوونکي هېواد پر وړاندې برید دی، او زیاته یې کړه چې د اسرائیل اصلي موخه د غزې ویجاړول او د هغې اوسېدونکي بې کوره کول دي.
د برازیل ولسمشر لوئیس دا سیلوا په دې غونډه کې په خپله وینا کې د غزې په تړانګه کې د اسرائیلو د جنایاتو په غندلو سره وویل چې د فلسطین خلک د له منځه تلو له خطر سره مخ دي.
د فرانسې ولسمشر هم د فلسطین د رسمي دولت په توګه د منلو په اړه د خپل هېواد اقدام ته په اشارې سره له ټولو نړیوالو هېوادونو وغوښتل چې د (اشغال شويو سیمو) په سوله کې د مرستې لپاره دا اقدام تعقیب کړي.
د فلسطین خودمختاره ادارې سفیر او استازي «ریاض منصور» په خپلو خبرو کې ټینګار وکړ چې د اسرائیلو له خوا د غزې د خلکو وژنه باید ودرول شي او د دوی ځواکونه باید له دې تړانګې څخه ووځي.
د بېلابېلو هېوادونو د مشرانو له خوا د اسرائیلو د قتل عام غندنه په داسې حال کې ده چې نن سهار د دې رژیم په جنایاتو کې په غزه کې ۴۲ کسان شهیدان شوي دي.
دا په داسې حال کې ده چې د سپوږمکۍ انځورونه د اسرائیلو پوځیانو له خوا د غزې ښار بشپړ محاصره ښيي، چې د دې سیمې د اشغال لپاره ترسره کېږي.
