کابل ټیلیګراف د تلې ۵مه ۱۴۰۴ لمریز کال
د یونان لومړي وزیر وایي، د غزې د مسلې له امله به د یونان او اسرائیلو ژوره دوستي پای ته ورسيږي.
د یونان لومړي وزیر کریوکس مټسوټاکیز د ملګرو ملتونو عمومي اسمبلۍ ته په وینا کې اسرائیلو ته د دوستۍ د پای ته رسولو خبرداری ورکړ او ویلي، د ۲۰۲۳ کال د اکتوبر ۷مې وروسته د حماس پر ضد د اسرائیلو عملیات درست نه و او د زرګونو ماشومانو د مړینې لامل شول، چې دا چاره هیڅ جواز نلري.
مټسوټاکیز وویل: “موږ له اسرائیلو سره سټراټېژیکې اړیکې لرو، خو رښتیا دا ده چې موږ باید رښتینې خبرې وکړو.”
نوموړي وویل، “زه خپلو اسرائیلي ملګرو ته پیغام ورکوم چې د دوو دولتونو حل له منځه وړلو ته دې نه ځئ، که نه خپل پاتې اتحادیان به هم له لاسه ورکړئ.”
