ننګرهار کې یوې ځایي سرچینې کابل ټیلیګراف ته وویل چې د دې ولایت په چپرهار ولسوالۍ کې ناپیژانده وسلوالو دوه بزګران چې وروڼه وو په ډزو وژلي دي.
سرچینه وایي چې دغه پېښه د چپرهار ولسوالۍ اړوند «ماڼو» سیمه کې رامنځته شوې ده.
د سرچینې د معلوماتو له مخې، یادو کسانو له چا سره شخصي دښمني نه درلوده او د وژنې د انګیزې په اړه یې هم معلومات نشته.
تراوسه د یادې پېښې مسولیت چا نه دی منلی او نه هم ځایي طالب چارواکو په دې اړه څه ویلي دي.
