کابل ټیلیګراف – ۱۷ وری ۱۴۰۴ لمریز کال
د افغانستان او نیپال د نولس کلنو کرکټ ملي لوبډلو ترمنځ د یو ورځنیو یا پنځوس اوریزو لوبو په لړۍ کې دویمه لوبه نن یکشنبه ترسره شوه.
افغانستان په دې لوبه کې د نیپال پر وړاندې د یوې منډې په توپیر بریا خپله کړه.
په دې لوبه کې د افغانستان لوبډلې په پنځوس اوورونو کې د ټولو لوبغاړو په سوزیدو سره یوسلو اته شپیته منډې جوړې کړې.
د نیپال لوبډلې په نهه څلوېښت اوورونو کې یوسلو اوه شپیته منډې جوړې کړې او ټول لوبغاړي یې له لاسه ورکړل او هدف ته ونه رسېدل.
دا د افغانستان د نولس کلنو ملي لوبډلې له نیپال څخه پرلپسې دویمه بریا وه او په دې سره افغانستان د دوه اړخیزو لوبو د لړۍ ګټونکی شو.
د دې لړۍ درېیمه لوبه به د حمل په شلمه نېټه ترسره شي.
افغانستان به د دې درېیو لوبو وروسته د نولس کلنو د کرکټ نړیوال جام ته د لارموندنې په لوبو کې برخه واخلي.
د افغانستان لوبډله به د نړیوال جام په تمریناتي لوبو کې د عمان، هانګ کانګ، متحده عربي اماراتو او نیپال لوبډلو سره مخامخ شي.
دا لوبې به د حمل له څلرویشتمې څخه تر دیرشمې نېټې پورې په نیپال کې ترسره شي.
